Намсан цамхаг (Namsan Seoul Tower) нь Сөүл хотын төв хэсэгт орших Намсан уулын оройд байрладаг бөгөөд хотын бэлгэ тэмдгүүдийн нэг юм. Энэхүү цамхаг нь өндөрлөгөөс хотыг бүхэлд нь тольдон харах боломжийг олгодог бөгөөд жуулчдын хамгийн их зорьж очдог газруудын нэг билээ.

Цамхгийн оройд байрлах ажиглалтын тавцангаас 360 үзэмжийг тольдох боломжтой ба “Locks of Love” буюу хайрын цоожны хана, шилэн шалтай хэсэг, олон төрлийн ресторан, кофе шоп, дурсгалын дэлгүүрүүд байрладаг. Мөн Намсан уулруу агаарын дүүжин замаар болон явганаар очих боломжтой.

Ерөнхий мэдээлэл

• Байршил: Сөүл хот, Намсан уулын орой
• Өндөр: Уултайгаа нийлээд 480 м
• Онцлог: Хотыг бүхэлд нь харах ажиглалтын тавцан, хайрын цоожны хана, шилэн шал, кафе, ресторан
• Очих арга: Агаарын дүүжин замаар, автобус эсвэл явганаар авирах

Үзвэр, хийх зүйлс

• Сөүл хотыг бүхэлд нь 360 хэмээр тольдох
• Хайрын цоож бэхлэх уламжлалд оролцох
• Романтик оройн гэрэлд зураг авахуулах
• Кофе шоп, дурсгалын дэлгүүрээр үйлчлүүлэх

Бичлэг

Google газрын зураг