Хиймэл арал буюу далдуу модны хэлбэртэй Жумейра арлын бүтээн байгуулалт 2001 онд эхэлжээ. Анх 600 мянган хүний багтаамжтай байхаар төлөвлөсөн ч олон нийтэд зарлахад бүх байшин гурван өдрийн дотор зарагдсан тул багтаамжийг хоёр дахин нэмсэн гэдэг. Далдуу модны мөчир дагуу 1800 гаруй байшин баригдсан бөгөөд 8000 хувийн орон сууц, цогцолбор, 200 их дэлгүүр, ресторан, тансаг зэрэглэлийн зочид буудал, өндөр барилгуудыг аралд багтаажээ. Ханхүү 2006 он гэхэд арлыг ашиглалтад оруулахаар амласан ч асар том хиймэл байгууламж учир 2014 оны 11 дүгээр сард бүрэн дууссан байна. Palm Jumeirah нь зөвхөн Дубайн төдийгүй дэлхийн хамгийн алдартай архитектурын гайхамшгуудын нэг бөгөөд далай дунд сүндэрлэсэн, алсын хараатай инженерчлэлийн жишээ болсон бүтээл юм. Өнөөдөр энд тансаг зэрэглэлийн зочид буудлууд, далайн эргийн амралтын газрууд, дээд зэрэглэлийн ресторан, худалдааны төвүүд, усан парк болон олон төрлийн үзвэр үйлчилгээ байрладаг бөгөөд Дубай хотын бэлгэ тэмдэг болж, дэлхийн газрын зураг дээр байр сууриа бататгасан.

Ерөнхий мэдээлэл

• Байршил: Palm Jumeirah, Дубай, Нэгдсэн Арабын Эмират Улс
• Төрөл: Хиймэл арал (Palm-shaped Island)
• Нээлт хийсэн он: 2001 онд барилгын ажил эхэлж, 2006 онд албан ёсоор ашиглалтад орсон

Онцлог, үйлчилгээ

• Atlantis The Palm, Jumeirah Zabeel Saray, The Royal зэрэг тансаг зэрэглэлийн зочид буудлууд
• Aquaventure усан парк, Lost Chambers Aquarium зэрэг гэр бүлд зориулсан үзвэрүүд
• Тансаг зэрэглэлийн ресторан, далайн эргийн клуб, лаунж
• The Pointe худалдааны төв
• Далайн аялал, усан онгоцны түрээс

Үзвэрүүд

• Atlantis The Palm: Зочид буудал, аквариум, усан парк нэг дор байрлах тансаг цогцолбор
• Aquaventure Waterpark: Дубайн хамгийн том усан парк
• The Pointe: Далайн эргийн худалдаа, ресторан, шөнийн гэрэлтүүлэгтэй усан оргилуур
• Monorail Ride: Palm Jumeirah-ийн оройгоос эхлээд үндсэн хэсэг хүртэл аялах боломжтой

Бичлэг

Байршил