Аяллын зөвлөгөө:

• УБ – ДУБАЙ  - Нислэг үргэлжлэх хугацаа 09 цаг.

• УБ хотоос 50 км ( хотын төвөөс 1 цаг машинаар явна) Хөшигтын хөндийн шинэ нисэх буудлаас ниснэ. 

• Нислэг эхлэх цагаас 2 цаг 30 минутын өмнө онгоцны буудал ирсэн байна.

• Онгоцны буудал дээр компаний менежерүүдтэй уулзан хэвлэж бэлдсэн Виз, даатгал, тийз болон зөвлөмжийг авна

• Дубай Виз болон Гадаад пасспорт, нислэгийн тийз үргэлж гар ачаа буюу биедээ авч явах . Хаяж үрэгдүүлхээс болгоомжлох.

• Дубайн хил дээр аяллын компаний зүгээс хэвлэж өгсөн виз хэрэг болох учир гар ачаандаа авч явах хэрэгтэй.

• Та бүхнийг аяллын хөтөч компаний лого бүхий самбартай тосон авч зочид буудалд хүргэн өгч байрлахад тусална .

• Та бүхэн (аялагч бүр) компаний нээсэн facebook group-д орж өдөр бүрийн мэдээлэлтэй танилцах.

• Дубай хотод fb messenger дуудлага хийхэд тохиромжгүй тул BOTIM APP утсандаа татан дуудлага хийх боломжтой (app store, play store, qr code).

• Мөн та бүхэн Дубай нэвтрэх үедээ буюу тамга дарах ажилтанд sim card гэж хэлээд үнэгүй аялагчдад зориулсан сим карт авах боломжтой.

Хувцаслалт:

• Дубай хот аялал жуулчлал маш өндөр хөгжсөн орон тул гадуур ямар нэгэн хувцасны хориг гэж байдаггүй. Тиймээс та хүссэн хувцасаа өмсөх боломжтой.

• Дубай хотод бидний аялаж байх үед буюу 11-р сараас 3-р сарын хооронд 25 - 32 градусын хооронд байдаг ба бороо орох магадлал маш бага. Тиймээс Дубай хотод нимгэн хувцастай явахыг зөвлөж байна. (шорт, подволк, палаж, сандал гэх мэт). Зундаа 40-с 60 градус хүртэл халдаг. Автобусан дотор байнга хүйтэн кондишн байдаг тул кондишнд эмзэг хүмүүс цамц өмд авах. 

• Дубай хотын бүтэн аялал хийх өдөр олон үзвэрүүд үзэж их алхах тул пүүз ба биенд тухтай хувцас өмсөх нь тохиромжтой. 

• АбуДаби явах өдөр бид бүхэн Гантиган сүмээр зочилдог. Ганцхан тэр өдөр сүмээр зочлох үедээ эмэгтэйчүүд шагайнаас үс хүртлээ биеэ ил гаргаж болдоггүй. Тиймээс нэвт гэрэлтдэггүй өмд, цамц, үс халхлах алчууртай ордог. Сүмийн эргэн тойрон ба сүм дотор үндэсний хувцас зардаг.  Монгол төгрөгөөр ойролцоогоор 50,000 төгрөгөөр зардаг. 

Мөнгө ба худалдан авалт:

• Дубайн мөнгөн тэмдэгтийг Дейрхам гэдэг ба 1 дейрхам нь 925₮ -тэй тэнцдэг. 

• Та бүхнийг аялалд гарахдаа Монголоос доллартой явахыг зөвлөж байна. Тухайн буусан улсынхаа онгоцны буудал дээр мөнгөө солиулсан нь хамгийн ашигтай. (Их хэмжээний мөнгө бол банкинд солиулсан нь ашигтай)

• Дубайд бүх газар карт уншдаг ба та бүхэн төгрөгийн эсвэл долларын олон улсын карттай байхад л болно. Тухайн банкнаасаа хамаараад шимтгэл нь өөр өөр байдаг. 

• Бидний аяллын маршрутанд Дубайн алт, амтлагчны зах орсон байдаг. Та бүхэн захаас худалдан авалт хийхээр бол алт ойролцоогоор 10%, амтлагч ба сувенир 60-70% хямдардаг тул сайн хямдруулж авахыг зөвлөж байна. Дубайд захаас бусад газар хямдардаггүй. Мөн та бүхэнд таксигаар явах шаардлага гарвал таксины км-ыг харан төлбөрөө хийхэд л болно.

Буудал - Зөвлөгөө​

• Буудалд бүртгэл хийлгэхэд очернаас хамааран дунджаар 20-40 минут болдог. Та бүхэн хамт нэг өрөөнд орох хүнтэйгээ хамт гадаад пасспортоо бэлэн байлгахыг зөвлөж байна.

• Дубайн засгийн газраас аялахаар ирсэн гадаад хүн бүрээс дунджаар өдрийн 7000 төгрөгний такс авдаг. Тухайн таксийг буудалд төлдөг.

• Бидний хамтран ажилладаг бүх буудлуудад алчуур, 1 удаагийн сойз, саван, шампунь гэх мэт анхан шатны хэрэгсэлүүд байдаг. Заримдаа буудлын ажилчдын алдаанаас дутуу хэрэгсэл гарах тохиолдол байдаг тул та бүхэн буудлын рэсепшинд хэлээд авахал л болно. Мөн хөтөчөөсөө тусламж хүсч бас болно. Ихэнхи буудлын оо, саван, шампунь нь олонд зориулсан байдаггүй тул маш чанартай байдаггүй тул та бүхэн өөрсддөө тохирдог оо, саван, шампуниа бэлдсэн нь дээр гэж зөвлөж байна.

• Та бүхэн өрөөний цэвэрлэгээ авахыг хүсвэл заавал цэвэрлэгээ авах дохио үлдээх хэрэгтэй. Ихэнхи буудлуудад гадны хаалганы бариулд нь "цэвэрлэгээ хйилгэх" (Room cleaning) гэсэн тэмдэгийг үлдээхэд болдог. Мөн зарим буудлуудад цэвэрлэгээ хийлгэх гэсэн гэрлийн унтраалга шиг товчлуурууд байдаг.

• Мөн тухайн улсаас хамааран залгуур буюу разетка нь өөр өөр байдаг тул аяллын менежерүүдээс асуухыг зөвлөж байна.