Бангкок Паттаяа аялал

Таныг Тайланд улсын 8 өдрийн аялалд урьж байна. Жилд дунджаар 40 сая гаруй гадаадын аялагч жуулчид татдаг, олон янзын үзэсгэлэнт арлууд, халуун орны чийглэг уур амьсгал, олон янзын аяллын төрлөөрөө алдартай Тайландын аялалдаа яваарай. Гэр бүлээрээ аялагч, найз нөхөд, дурлалт хосууд, адал явдал хайгч хэн бүхний хэрэгцээ, шаардлагыг бүрэн хангасан дэлхий дээрх цөөхөн аялал, амралтын бүсүүдийн нэг болох Паттаяа болон Бангкок хотоор шууд нислэгтэй хамтдаа аялцгаая.

4'690'000₮

7 шөнө / 8 өдөр

БУУДАЛ

3 шөнө Бангкок - Pullman Bangkok G hotel

Энэ аяллыг сонгох

4 шөнө Паттаяа - Jomtien Palm Beach Hotel

Min

to your destination

ӨДӨР 1

УЛААНБААТАР - ПАТТАЯА

Өглөө 06:00 цагт шинэ Чингис Хаан нисэх онгоцны буудалд цуглана.
Бүртгэлээ хийлгээд МИАТ компанийн шууд нислэгээр өглөөний 08:45 цагт Тайландын нийслэл Бангкок хотыг зорин хөөрч орон нутгийн цагаар 14:15 цагт Суварнабуми нисэх онгоцны буудалд газардана.
Хилээр нэвтэрсний дараа бид Бангкок хотод оройн хоолоо идээд цааш Паттаяа хотын зүг хөдөлнө. Паттаяа хот нь Бангкок хотоос 150км зайтай.
Паттаяа хотын буудалдаа ирж аян замын алжаалаа тайлан амарна.

Өдрийн хоол: Онгоцонд

Оройн хоол: Ресторан

Буудал: Jomtien palm beach hotel and resort

ӨДӨР 2

ПАТТАЯА АЯЛАЛ

Өглөөний цайны дараа бид “Nong Nooch” цэцэрлэгт хүрээлэнд очиж Тай үндэсний соёлын шоу болон Зааны шоу үзнэ.
Үүний дараа Тайландын хамгийн том бөгөөд дээд ангиллын үнэт эдлэлийн төв Жэм Галлерай (Gem Gallery) -р зочилж эрдэнийн чулуун гоёлуудаас худалдан авах боломжтой.
Паттаяа далайн эрэгт байрлах зочид буудалд ирж байрлана.

Өглөөний цай: Jomtien palm beach hotel and resort

Өдрийн хоол: Ресторан

Оройн хоол: Ресторан

Буудал: Jomtien palm beach hotel and resort

ӨДӨР 3

ПАТТАЯА АЯЛАЛ – ШҮРЭН АРАЛ

Өглөөний цайны дараагаар Coral island буюу Шүрэн арал руу завиар явна. Арал дээр цагаан элс, бүлээн тунгалаг устай далайн усанд орж, наран шарлагын газарт тааваараа амрахаас гадна шүхрээр татуулах, усны мотоцикл унах, далай доогуур аялах, банана завиар татуулах гэх мэт усан спортуудаас нэмэлт төлбөртэйгөөр зугаацаж болно. Арал дээр далайн гаралтай өдрийн хоол иднэ.
Шүрэн арлаас буцаж ирээд оройн хоолоо идээд буудалдаа ирж амарна.

Өглөөний цай: Jomtien palm beach hotel and resort

Өдрийн хоол: Ресторан

Оройн хоол: Ресторан

Буудал: Jomtien palm beach hotel and resort

ӨДӨР 4

ЧӨЛӨӨТ ӨДӨР

Та энэ өдөр өөрийн хүссэнээрээ байх чөлөөт амралтын өдөр ба та зочид буудалдаа амрах, далайн эргээр зугаалах, наран шарлагын газарт биеэ шарах, Паттаяа хотын төвөөр дэлгүүр хэсэх зэргээр чөлөөт цагаа өөрийн хүссэнээр өнгөрөөх боломжтой. Паттаяа хотод хэд хэдэн том худалдааны төвүүд байдаг.
Мөн үдэш нь та Паттаяа хотын шөнийн амьдралтай танилцаж шоу цэнгээний гудмаар (Walking Street) зугаалах боломжтой. Энэхүү гудамж нь баар, диско клуб, стриптиз клубүүд, рок хөгжмийн хамтлагийн тоглолттой паб, Тай боксын бооцоот тоглолт зэрэг төрөл бүрийн зугаа цэнгээний газруудтай.

Өглөөний цай: Jomtien palm beach hotel and resort

Өдрийн хоол: Хөтөлбөрт багтаагүй

Оройн хоол: Хөтөлбөрт багтаагүй

Буудал: Jomtien palm beach hotel and resort

ӨДӨР 5

БАНГКОК & СИАМ УСАН ПАРК

Өглөөний цайны дараагаар бид Сиам Гайхамшигт Усан Парк –д ирж өдрийг зугаатай өнгөрөөнө.
Сиам усан парк нь Тайланд улсын анхны бөгөөд хамгийн том усан парк юм. Хүүхэд, насанд хүрэгчдэд зориулсан олон янзын усан гулгуур байдгаас гадна нялх хүүхдийг зугаацуулах талбай хүртэл байдаг.
Оройн буудалдаа ирж амарна.

Өглөөний цай: Jomtien palm beach hotel and resort

Өдрийн хоол: Ресторан

Оройн хоол: Хөтөлбөрт багтаагүй

Буудал: Pullman hotel Bangkok G

ӨДӨР 6

ЧӨЛӨӨТ ӨДӨР

Энэ өдөр чөлөөт амралтын өдөр тул та өөрийн хүссэнээр буудалдаа амрах, ойр орчмын газруудаар зугаалах болон Бангкок хотын худалдаа үйлчилгээний томоохон төвүүдээр үйлчлүүлж, дэлгүүр хэсэх боломжтой.

Өглөөний цай: Pullman hotel Bangkok G

Өдрийн хоол: Хөтөлбөрт багтаагүй

Оройн хоол: Хөтөлбөрт багтаагүй

Буудал: Pullman hotel Bangkok G

ӨДӨР 7

БАНГКОК ХОТЫН АЯЛАЛ

Өглөөний цайны дараа бид Бангкок хотод хүрэлцэн ирж тус хотын аяллаа эхэлнэ. Тайландын эзэн хааны Их Ордонд (Grand Palace) зочилж эзэн хааны шүтээн Маргад Эрдэнийн Будда (Emerald Buddha) үзнэ.
Үүний дараа Тайланд үндэсний урт сүүлт завиар Бангкок хотын дундуур урсах “Хаадын мөрөн” хэмээн нэрийдэх Чао Праяа (Chao Phraya) мөрнөөр аялж Бангкок хотын үзэсгэлэнт барилгууд болох Үүрийн Туяаны сүм (Wat Arun), Хааны гүүр зэргийг үзэж сонирхоно.
Өдрийн хоолоо Тайландын хамгийн өндөр барилгуудын нэг болох “Baiyoke Sky Tower”-ийн 84 давхарт олон улсын буфет хоол зооглоод зочид буудалдаа ирж амарна.
Оройн хоолоо бид усан онгоцон дээр шөнийн үзэсгэлэнт Бангкок хотыг тольдонгоо зооглоно.

Өглөөний цай: Pullman hotel Bangkok G

Өдрийн хоол: Baiyoke Sky Tower

Оройн хоол: Усан онгоц

Буудал: Pullman hotel Bangkok G

ӨДӨР 8

УЛААНБААТАР ХОТРУУ БУЦАХ

Өглөөний цайгаа уусны дараа та буудлын өрөөгөө хүлээлгэж өгөөд 12:00 цаг хүртэл шоппинг хийж болно. 12:00 цагт зочид буудлаас онгоцны буудал хөдөлнө.
Нислэгийн бүртгэлээ хийлгэсний дараа 15:15 цагт Бангкок Улаанбаатарын чиглэлд ниснэ.
Улаанбаатарын шинэ нисэх буудалд 22:25 цагт газардана.

Өглөөний цай: Pullman hotel Bangkok G

Аяллын үнэд багтсан:

УБ – Пукет - УБ хоёр талын нислэгийн тийз,
Монгол хэлтэй аяллын хөтөч, орчуулагч
Аяллын турш байрлах 5 одтой резорт зочид буудал
Хөтөлбөрт заагдсан хоол
Хөтөлбөрт тусгагдсан аяллууд, үзвэр, үйлчилгээний тасалбар, хураамжийн үнэ
Хөтөлбөрийн дагуу үйлчлэх орон нутгийн тээврийн үйлчилгээ
Гадаадад зорчигчийн аяллын даатгал

Аяллын үнэд багтаагүй:

Хувийн хэрэглээний зардал
Хөтөлбөрт тусгагдаагүй зардал
Нутгийн хөтөч болон жолоочид өгөх гарын мөнгө
Өрөөнд ганцаараа байрлах бол нэмэлт төлбөртэй

Нэмэлт мэдээлэл:

Бидний заралсан байгаа үнэ нь 1 насанд хүрсэн хүний үнэ ба буудлын 1 өрөөнд 2 хүн хамт орно. Хэрэв та буудлын 1 өрөөнд ганцаараа орохоор бол нэмэлт төлбөртэй.

Аяллын төлбөр ба баталгаажуулалт:

Аяллын гэрээг компанитай хийнэ.
Аялал баталгаажуулахын тулд аяллын 50%-ийг төлснөөр баталгаажуулна.
Үлдэгдэл төлбөрийг аялал эхэлхээс 14 хоногийн өмнө төлнө. (Олон улсын нислэгийн билетийг 14 хоногийн өмнө төлдөг)

Аялал эхлэхийн өмнө:

Аяллын бүх гишүүд аяллын хөтөлбөртэй сайтар уншиж танилцсан байх
Аялалд шаардлагатай бичиг баримтуудыг аялал хариуцсан менежерийн мэдэгдсэн хугацаанд үнэнзөв, бүрэн гүйцэд бүрдүүлж өгөх
Сунгалттай хуучин пасспортаар явахгүй бөгөөд Гадаад паспортын дуусах хугацаа аялал дуусах өдрөөс хойш багадаа 6 сараас дээш хүчинтэй байх. Гадаад паспорт болон бусад бичиг баримтызөрчилөөс гарах үр дагаврыг аялагч өөрөө хариуцна.
Эрүүл мэндийн хувьд анхаарах, болгоомжлох зүйл, мөн эмчийн хяналтанд байдаг бол аялалд гарахаас өмнө өөрийн биеийн байдал, эрүүл мэндийг заавал эмчид хандан магадлуулсан байх.
Та эрүүл мэндийн шалтгаанаар сэтгэцэд нөлөөлөх эм бэлдмэл хэргэлэдэг бол эмчийн заавартай,тамга, гарын үсэг бүхий бичиг аван баталгаат орчуулгын төвөөр Англи хэл дээр орчуулуулан онгоцны буудал дээр биедээ авч явна.
Гадаад паспорт болон чухал бичиг баримтаа хувилан авч явах/бичиг баримтаа хаясан гээсэн үед хэрэг болно
Та шүүхийн шийдвэрийн дагуу хилийн хоригтой эсэхээ урьдчилан шалгах/Үүнтэй холбоотойгоор аялалд хамрагдаж чадахгүй бол таны төлбөр буцаан олгогдохгүй/
Ямар нэгэн байдлаар батлан даалт хийж хүүхэд авч явах, үүнтэй хобоотой нислэг болон бусад асуудал үүсвэл хариуцлгыг тухайн аялагч өөрөө хариуцна.
Аялал эхлэхийн өмнөх өдөр та доорх зүйлсийг нэг бүрчлэн шалгаж үзэх:

Онгоцны буудал дээр:

Онгоц нисэх цагаас 3 цагийн өмнө онгоцны буудал дээр цугласан байх.
Аяллын гайдын өгсөн заавар, зөвөлгөөг дагах
Ачааны хэмжээ: гар тээш 5кг, ачаа 23 кг-аас илүүгүй байна. Тогтоосон хэмжээнээс илүү гарсан илүү тээшийн төлбөрийг газар дээр нь төлөхийг анхаарна уу.
Бэлэн мөнгө, үнэт эдлэл, чухал бичиг баримт зэргийг гар тээшиндээ авч явах
Таньдаг болон таньж мэдэхгүй хүний ачаа, барааг зөөвөрлөх нь таныг эрсдэлд оруулж болохыгсайтар анхаарна уу.
Гар тээшиндээ повер банк буюу батерей цэнэглэгч, зөөврийн компьютер зэргийг авч явна.
Хил гаалиар орж гарах үед биедээ авч яваа бэлэн мөнгөний хэмжээг үнэн зөв мэдүүлэх. Буруу бөглөснөөс шалтгаалж гарах үр дагаврыг аялагч өөрөө хариуцна.
Гар тээшинд авч явах шингэн эд зүйлсийн тухай

Аяллын үеэр:

Группийн ахлагч нь аяллын хөтөч-тайлбарлагч байх бөгөөд хөтөчийн өгсөн заавар, зөвлөмжийг чанд мөрдөх
Аяллын ахлагчид хэлэлгүй дур мэдэн группээс салж явахгүй байх.
Цаг баримтлах! Хувийн зохион байгуулалттай байж аливаа тогтсон, тогтоосон цагийг баримтлах, хоцрохгүй байх, бусдыгаа хүндэтгэн цагтаа бэлэн байх.
Аяллын багийн дотоод уур амьсгалд таатай бус нөлөөлөл үзүүлэх, бусад аялагчдын тав тухыг алдагдуулах, хувийн орон зайд халдах зэрэг зан ааш, ёс суртахуун, үзэл бодол, биеийн аливаа сөрөг үйлдэл гаргахгүй байх.
Өндөр настан болон бага насны хүүхдүүдтэйгээ явж байгаа аялагч нар анхаарал сэрэмжтэй байх, харгалзан авч яваа хүмүүсээ төөрч, будилахаас сэргийлж өөрөөсөө, группийн аялагч нараас холдож болохгүй гэдгийг сайн хэлж, сануулсан байх.
Танд аливаа нэгэн хувийн асуудал гарвал аяллын ахлагчид тэр даруй биечлэн мэдэгдэж байх.
Аяллын хөтөлбөрт ороогүй зардал, нэмэлт үйлчилгээний зардал, буудлын өрөөний мини-бар,гадаад дотоод ярианы утасны төлбөр, өрөөний үйлчилгээний зардал, илүү тээш, бусдын эд хөрөнгөд учируулсан хохирол зэргийг аялагч өөрөө хариуцна.
Гадаад паспорт, чухал бичиг баримт, үнэ бүхий эд зүйлсээ биедээ авч явах
Согтууруулах ундаа хэтрүүлэн хэрэглэхгүй байх. Согтууруулах ундаа их, бага хэмжээгээр хэргэлэсэн үедээ аливаа эрсдэлтэй зүйл, анхаарал болгоомж, биеийн хүч, чадвар, сэтгэх хурд шаардсан зэрэг зүйлсийг хийхгүй байх. Мөн усан санд орох, далайд сэлэхгүй байх.
Зөвшөөрөгдөөгүй газар хог,хаягдал хаяхгүй байх
Аяллын чөлөөт өдөр ганцаараа хол явахаас зайлсхийх, хаашаа явах, хэзээ ирэхээ аяллын бусад гишүүддээ мэдэгдэж байх, холбоо барих таних тэмдэг бүхий энгэрийн тэмдэгийг биеээсээ салгахгүй байх.
Усан бассейнд орохдоо өөрийн түвшинд таарсан гүнтэй хэсэгт орох, хальтарч унахаас болгоомжлох, хүүхдүүдээсээ нүд салгахгүй сайн харж байх, анхаарал болгоомжтой байх.
Бусад улсын соёл, соёлын ялгааг ойлгон хүлээн авч хүндэтгэн харьцах. Ялангуяа сүм хийд,хааны ордон зэрэг газарт хувцаслах соёл болоод ямар хувцастай хүнийг нэвтрүүлэхгүй байх талаар журмууд байдаг тул анхаарна уу!
Аливаа идэж уух зүйлсээс харшилдаг бол аяллын ахлагчид урьдчилан хэлэх, өөрөө анхаарал болгоомжтой байх.
Та зочид буудалд байх хугацаандаа Wi-Fi интернэт үнэгүй ашиглах боломжтой
Хэрэв танд зочид буудлаас гадуур аялж явах хугацаандаа иетернэт ашиглах шаардлагатай бол онгоцны буудал болон 7-Eleven, Tops зэрэг дэлгүүрүүдээс аяллын 4G интернэт сүлжээтэй СИМ карт худалдан авах боломжтой. Үнийн хувьд 7 өдрийн хугацаатай нь Монгол төгргөөр 20.000-50.000 төгрөгийн хооронд байдаг.

Усан паркад тоглох үед:

Зарим тоглоомуудад өндөр болон жингийн хязгаартай байдаг.
Бага насны хүүхдийг бүх нөхцөлд хараа хяналттай байлгаж, живэх, гэмтэх зэрэг аюулаас урьдчилан сэргийлнэ үү.
Зарим усан паркийн тоглоомууд 2-5 хүртэлх хүн хамт тоглож болдог бөгөөд ийм үед ойролцоо өндөр болон жинтэй хүмүүсийг суулган тэнцвэрт байдлыг хадгалах хэрэгтэй.
Усан паркуудын тоглоом тус бүрт байх ААЗ – болон ажилтны тавьсан шаардлага, зөвлөмжийгчанд сахиж эрүүл мэндээ хамгаална уу.
Бэртэж гэмтсэн тохиолдолд даруй аяллын хөтчид мэдэгдэн эмнэлэгийн яаралтай тусламж авахыг зөвлөж байна.

ПАТТАЯА – ШҮРЭН АРЛЫН АЯЛАЛД БАРИМТЛАХ АЮУЛГҮЙ АЖИЛЛАГААНЫ ЗААВАРЧИЛГАА:

Тулгуур эрхтэн болон өвдөг, үений хагалгаанд орж байсан, гэмтэл аваад эдгэж байгаа, ямар нэгэн зовиуртай хүн шүхрээр татуулахаас зайлсхийх. Ниссэн тохиолдолд үүсч болох бэртэл гэмтэл, эрсдэлийг хувь хүн өөрөө хариуцах ёстойг анхаарна уу!
Чих, хэнгэрэг, зүрх судасны хурц өвчтэй, цусны өндөр даралттай хүмүүс далай доогуур алхахыг хориглоно.
Усан тоглоомууд тус бүрт аяллын хөтчийн өгч буй заавар, зөвлөмжийг сайтар сонсож мөрдөх.

ЧӨЛӨӨТ ӨДӨР:

БАНГКОК хотод байх чөлөөт өдрийг хүмүүс ихэвчлэн дэлгүүр хэсэхэд зарцуулдаг. Бидний буудлаас 4км орчимд CENTRAL WORLD, MBK, зэрэг томоохон худалдааны төвүүд, SIAM PARAGON худалдааны гудамж зэрэг байрлана. Зочид буудлаас албан ёсны такси дуудуулан үйлчлүүлэх нь хямд бөгөөд найдвартай.
Хэрэв дэлгүүр хэсэхгүй тохиолдолд Бангкок хотод зочилж болох хэд хэдэн үзэсгэлэнт сүм, болон олон сонирхолтой зүйлс бий. Wat Arun, Skywalk, хөвдөг зах зэрэг сонирхолтой газруудаар зочилж болно. Энэ тохиолдолд хөтчөөсөө сайтар зөвөлгөө аваарай.

Аялалд бүртгүүлэх

TravelX - Дэлхийг нээе