Аялал эхлэхийн өмнө:

• Аяллын бүх гишүүд аяллын хөтөлбөртэй сайтар уншиж танилцсан байх

• Аялалд шаардлагатай бичиг баримтуудыг аялал хариуцсан менежерийн мэдэгдсэн хугацаанд үнэн зөв, бүрэн гүйцэд бүрдүүлж өгөх

• Сунга­­лттай хуучин паспортаар явахгүй бөгөөд Гадаад паспортын дуусах хугацаа аялал дуусах өдрөөс хойш багадаа 6 сараас дээш хүчинтэй байх. Гадаад паспорт болон бусад бичиг баримтын зөрчилөөс гарах үр дагаврыг аялагч өөрөө хариуцна.

• Эрүүл мэндийн хувьд анхаарах, болгоомжлох зүйл, мөн эмчийн хяналтад байдаг бол аялалд гарахаас өмнө өөрийн биеийн байдал, эрүүл мэндийг заавал эмчид хандан магадлуулсан байх.

• Та эрүүл мэндийн шалтгаанаар сэтгэцэд нөлөөлөх эм бэлдмэл хэрэглэдэг бол эмчийн заавартай,тамга, гарын үсэг бүхий бичиг аван баталгаат орчуулгын төвөөр Англи хэл дээр орчуулуулан онгоцны буудал дээр биедээ авч явна.

• Гадаад паспорт болон чухал бичиг баримтаа хувилан авч явах/бичиг баримтаа хаясан гээсэн үед хэрэг болно

• Та шүүхийн шийдвэрийн дагуу хилийн хоригтой эсэхээ урьдчилан шалгах /Үүнтэй холбоотойгоор аялалд хамрагдаж чадахгүй бол таны төлбөр буцаан олгогдохгүй/

• Ямар нэгэн байдлаар батлан даалт хийж хүүхэд авч явах, үүнтэй холбоотой нислэг болон бусад асуудал үүсвэл хариуцлагыг тухайн аялагч өөрөө хариуцна.

• Аялал эхлэхийн өмнөх өдөр та доорх зүйлсийг нэг бүрчлэн шалгаж үзэх:

Онгоцны буудал дээр:

• Онгоц нисэх цагаас 3 цагийн өмнө онгоцны буудал дээр цугласан байх.

• Аяллын хөтөч орчуулагчийн өгсөн заавар, зөвлөгөөг дагах

• Ачааны хэмжээ: гар тээш 5кг, ачаа 23 кг-аас илүүгүй байна. Тогтоосон хэмжээнээс илүү гарсан илүү тээшийн төлбөрийг газар дээр нь төлөхийг анхаарна уу.

• Бэлэн мөнгө, үнэт эдлэл, чухал бичиг баримт зэргийг гар тээшиндээ авч явах

• Таньдаг болон таньж мэдэхгүй хүний ачаа, барааг зөөвөрлөх нь таныг эрсдэлд оруулж болохыг сайтар анхаарна уу.

• Гар тээшиндээ повер банк буюу батерей цэнэглэгч, зөөврийн компьютер зэргийг авч явна.

• Хил гаалиар орж гарах үед биедээ авч яваа бэлэн мөнгөний хэмжээг үнэн зөв мэдүүлэх. Буруу бөглөснөөс шалтгаалж гарах үр дагаврыг аялагч өөрөө хариуцна.

• Гар тээшинд авч явах шингэн эд зүйлсийн тухай

Аяллын үеэр:

• Группийн ахлагч нь аяллын хөтөч-тайлбарлагч байх бөгөөд хөтчийн өгсөн заавар, зөвлөмжийг чанд мөрдөх

• Аяллын ахлагчид хэлэлгүй дур мэдэн группээс салж явахгүй байх.

• Цаг баримтлах! Хувийн зохион байгуулалттай байж аливаа тогтсон, тогтоосон цагийг баримтлах, хоцрохгүй байх, бусдыгаа хүндэтгэн цагтаа бэлэн байх.

• Аяллын багийн дотоод уур амьсгалд таатай бус нөлөөлөл үзүүлэх, бусад аялагчдын тав тухыг алдагдуулах, хувийн орон зайд халдах зэрэг зан ааш, ёс суртахуун, үзэл бодол, биеийн аливаа сөрөг үйлдэл гаргахгүй байх.

• Өндөр настан болон бага насны хүүхдүүдтэйгээ явж байгаа аялагч нар анхаарал сэрэмжтэй байх, харгалзан авч яваа хүмүүсээ төөрч, будилахаас сэргийлж өөрөөсөө, группийн аялагч нараас холдож болохгүй гэдгийг сайн хэлж, сануулсан байх.

• Танд аливаа нэгэн хувийн асуудал гарвал аяллын ахлагчид тэр даруй биечлэн мэдэгдэж байх.

• Аяллын хөтөлбөрт ороогүй зардал, нэмэлт үйлчилгээний зардал, буудлын өрөөний мини-бар,гадаад дотоод ярианы утасны төлбөр, өрөөний үйлчилгээний зардал, илүү тээш, бусдын эд хөрөнгөд учруулсан хохирол зэргийг аялагч өөрөө хариуцна.

• Гадаад паспорт, чухал бичиг баримт, үнэ бүхий эд зүйлсээ биедээ авч явах

• Согтууруулах ундаа хэтрүүлэн хэрэглэхгүй байх. Согтууруулах ундаа их, бага хэмжээгээр хэргэлэсэн үедээ аливаа эрсдэлтэй зүйл, анхаарал болгоомж, биеийн хүч, чадвар, сэтгэх хурд шаардсан зэрэг зүйлсийг хийхгүй байх. Мөн усан санд орох, далайд сэлэхгүй байх.

• Зөвшөөрөгдөөгүй газар хог,хаягдал хаяхгүй байх.

• Аяллын чөлөөт өдөр ганцаараа хол явахаас зайлсхийх, хаашаа явах, хэзээ ирэхээ аяллын бусад гишүүддээ мэдэгдэж байх, холбоо барих таних тэмдэг бүхий энгэрийн тэмдгийг биеэсээ салгахгүй байх.

• Усан бассейнд орохдоо өөрийн түвшинд таарсан гүнтэй хэсэгт орох, халтирч унахаас болгоомжлох, хүүхдүүдээсээ нүд салгахгүй сайн харж байх, анхаарал болгоомжтой байх.

• Та зочид буудалд байх хугацаандаа Wi-Fi интернэт үнэгүй ашиглах боломжтой

• Хэрэв танд зочид буудлаас гадуур аялж явах хугацаандаа интернэт ашиглах шаардлагатай бол онгоцны буудал болон 7-Eleven, Tops зэрэг дэлгүүрүүдээс аяллын 4G интернэт сүлжээтэй СИМ карт худалдан авах боломжтой. Үнийн хувьд 7 өдрийн хугацаатай нь Монгол төгрөгөөр 20.000-50.000 төгрөгийн хооронд байдаг.